Overblog Suivre ce blog
Editer l'article Administration Créer mon blog

Recherche

12 janvier 2011 3 12 /01 /janvier /2011 17:50

Iphone1.jpg

A Fundazione di Corsica hà rimessu i premii di u so cuncorsu "lingua viva" induve l'Adecec hè statu laureatu per a so nuvella applicazione di a banca Infcor nant'à Iphone.

Pudite avè l'applicazione nant'à a leia:

http://itunes.apple.com/fr/app/adecec/id409564324?mt=8

link

E qualchi parulla di u president Ghjacumu Paoli:

"Eccuci quì dunque, per coglie una piccula ricuniscienza, piccula ma venendu da a Fundazione di Corsica, tantu impurtante. A Fundazione l’avimu vista à l’opera, è pudimu certificà chì e so dimarchje so spudiche. E sane. L’avimu visti à l’opera sottu i castagni di Pianellu.

Allora longa vita à st’opera di qualità chì ghje stata à creazione di A Fundazione di Corsica. E  a ringraziemu d’avè sceltu in di u quadru di LINGUA VIVA di premià un travagliu di l’ADECEC. A i principii di l’ADECEC 40 anni fà, i Muvrini participavanu à e prime università d’estate. Dipoi ci hè statu prima di tuttu l’amicizia, ch’un n’hà mai caliatu. Mi ricordu d’un cuncertu in Campuloru davanti à millaie di personi induve Ghjuvan’Francescu citava l’ADECEC cumè un puntellu culturale.

Ma, dicu sempre u passatu ghjè daretu è oghje in prisentendu st’applicazione IPHONE simu indè l’epica d’oghje. Avimu sempre sfruttatu è techniche nove à l’ADECEC per mettelle à u serviziu di a lingua è a cultura.

A banca INFCOR chì si pò cunsulta nantu ADECEC.NET ghje oghje nantu un telefuninu. In tantu. Un opera di David CROS, uriginariu di Cervioni da a parte di a so mamma è maritatu à in Valle di Campuloru. Hà sceltu di fà di l’infurmatica u so mistieru. Quand’ellu hà principiatu à speculà INFCOR hà prestu rimarcatu a mansa di travagliu fattu, ma dinù un mancu di prufessiunalismu indè a faccenda. E ci hà prupostu di mettela in sesta cum’ellu si deve.

E cusi n’avimu prufitattu per dumandali di purtà l’applicazione nantu l’IPHONE.

E cosa impurtantissima, un si tratta micca d’un traduttore elettronicu, francese corsu o corsu francese, ma d’una banca di datti corsa, in tantu cun qualchì rubrica è à mumenti di più.

Tuttu stu discorsu per spiegavvi chì l’entrata à u principiu di l’applicazioone ghjè a parulla in corsu, per rispettà  u spiritu di INFCOR, banca di lingua corsa. Si po di sicuru, cambià è sceglie un’entrata in francese.

Da qui à qualchì ghjornu serà u cinquesimu anniversariu di a morte di ANTONE DUMENICU MONTI, présidente fundatore di l’ADECEC, è mi piacerebbi chì stu premiu datu à l’ADECEC li sia dedicatu".

Iphone2.jpgiphone3.jpg

Partager cet article

Repost 0
Published by . - dans ADECEC
commenter cet article

commentaires

Articles Récents