Overblog Suivre ce blog
Editer l'article Administration Créer mon blog

Recherche

8 juin 2013 6 08 /06 /juin /2013 10:12

S'hè festighjatu a settimana di a lingua corsa è l'ADECEC s'hè impegnatu per fanne un successu. Una settimana ricca di belle stonde di spartera in lingua corsa chi hà principiatu luni cù a visita in lingua corsa di u museu Anton Dumenicu Monti à i sculari di u paese, è di a catedrale Sant'Eramu cù guida di a furmazione d'interpreti di l'università di Corti. Durante cinque ghjorni, i sculari so stati invitati a scopre u museu, allora chi l'elevi di u cullegiu Filippu Pescetti participavanu à a "ghjustra cullegiana" in direttu nant'à a radiu Voce Nustrale. Durante a settimana e squadre di sesta, quinta è quarta si so scontre per risponde à quistione nant'à sfarenti temi di storia, geografia, sportu, attualità, è tradizione in rapportu cù a Corsica. So l'elevi di a sesta B chi anu vintu sta prima ghjustra radiufunica. Un bellu successu ch'ellu sia per i sculari chi si so impegnati in sta settimana di lingua nustrale, chè per l'auditori, chi anu passatu una bella stonda à l'ascoltu.

Sempre nant'à l'onde di Voce Nustrale so state ristrasmesse fole, puesie , scenette  arregistrate cù a participazione di a scola primaria di Cervioni, mà dinù l'elevi di a scola primaria René Subissi di Bastia è l'elevi di u cullegiu Arthur Giovoni. A parulla hè stata data à i ziitelli, mà dinù à l'anziani, cù un intervista di a nostra paisana Maddalena Agostini, 91 annu, chi hà conta a vita in Corsica in tempu di a so giuventù.

I radio amatori anu participatu dinù a sta settimana cù a diffusione in direttu di u QSO di i TK , appuntamentu in lingua corsa di radio amatori corsi è amichi di a Corsica.

A settimana s'hè compia cù una ghjurnata d'immersione. Lingua, cultura è tradizione eranu à u prugramma cù a visita di u Museu Anton Dumenicu Monti, a prisentazione di u certificatu di a lingua corsa, a diffusione di testimoni d'anziani, è un attellu di cunfezzione di panzerotti cun l'aiutu di Lucia Giammari! 

Ghjustra-cullegiana-copie-1.jpgGhjustra cullegiana2

Ghjustra cullegiana1

Visite-cathedrale.jpg

Certificatu Certificatu2

Panzerotti.jpg

Partager cet article

Repost 0
Published by . - dans ADECEC
commenter cet article

commentaires

Articles Récents