Overblog
Editer l'article Suivre ce blog Administration + Créer mon blog

Recherche

11 avril 2013 4 11 /04 /avril /2013 14:33

Petru Ghionga, Presidente di u cunsigliu di a lingua corsa, cunsiglieru esecutivu in carica di a lingua corsa, hè ghjuntu in Cervioni per scuntrà i membri di u cunsigliu d'amministrazione di l'Adecec, a fine di riflette à a prublematica di a terminulugia corsa è à l'articulazione di l'attività è di e misione di l'associu. 

Eccu u discorsu fattu da u presidente Ghjacumu Paoli:

"Avemu da primuracci subitu di l’essenziale di u sugettu da dibatte, omancu mi si pare, chì femu di a banca INFCOR ? A quistione si pone cusi !.

Ramenteremu chì INFCOR hè u risultatu d’un travagliu cullettivu cù una participazione di a CTC è di fondi europei. I membri di l’ADECEC, pè u più benevulenti, anu travagliatu nant’à a ricerca lessicale, u serviziu tecnicu avendu scunfinitu a stampittera è u sfruttamentu di i dati.

E stu sviluppu hè sempre in l’usu perchè, in u 2013, ci hè stata a creazione di sfarente appiecazione pè Iphone, Android è telefunini direttamente nant’à u net.

Pudimu allistinà a radiu nant’à internet, u situ pè telefuninu, l’appiecazione INFCOR è u prugramma infurmaticu l’Appuntu, un carnettu d’appuntamenti in lingua corsa nant’à internet, appruvistatu ind’a nostra basa, è chì tutt’ognunu pò cunsultà.

Ind’un altru campu, quellu di u passatempu, mintueremu a traduzzione d’un situ : « sapè indarni » « les savoirs inutiles ».

A l’ADECEC, pensemu chì ci vole à creà di più piccule appiecazione pè parlà corsu ogni ghjornu.

Pè vultà à INFCOR, è senza dispiace à nimu, cunsideremu chì ùn ci vole micca à cupialla è appiccicalla. Senza ghjudicà nè criticà, simu cunvinti chì ci vole à compie a banca ind’u nostru associu, capace à cuntinuà u travagliu sè vo ci date i mezi. Di pettu à u travagliu digià fattu, pensemu senza pretensione ch’è no pudimu rializà st’opera chì si deve fà prima di vulè sfruttà a basa linguistica

Chì sò i mezi ? Una suvvenzione apposta pè u funziunamentu, a messa à dispusizione di dui o ancu trè studianti di l’università cù e cunniscenze bramate chì si puderebbe guidà, una riflessione nant’à l’impaginatura è a scelta di e rubriche, una riflessione fundamentale nant’à a scrittura, senza pensà manc’appena à unifurmizà perchè sta scelta ùn rispetterebbe i scritti chì esistenu, eppo trè anni di travagliu pè rializà un schedariu secondu e regule in stu duminiu.

Avete capitu dinù chì INFCOR, faciule da sfruttà cum’è no l’avemu vulsutu, mantene l’ADECEC, scusatemi sì a spressione hè sgarbata. A banca INFCOR hè l’arnese chì face visita u situ di l’ADECEC, hè a vita di l’ADECEC è d’ogni appiecazione chi nè scatulisce. Per esempiu a creazione di lessichi, di dizziunarii di rime…

Or dunque, sì no caccemu stu pruduttu, l’avvene di l’associu periculeghja.

Eppuru, si pò sempre discorre, senza mai ghjudicamentu anticipatu, è simu cunvinti chì solu un’azzione unita di tutti l’elementi di u « polu linguisticu corsu » pò sbluccà a situazione è risponde à a speranza di quasi tutti i Corsi.

Eri, mi dicia Ghjiseppu Leoni : « simu furtunati d’avè una lingua magnifica, più latina chè u talianu o u francese ».

Un pudimu ingannalli, dunque ci tocca à truvà e vie di l’emancipazione è à splurà ogni pista chì s’apre pè sbuccà nant’à a cuufficialità, o un bislinguismu avanzatu chì impone tandu sta cuufficialità. Eppuru, ci vole à rifinì u prugettu, face chì, oghje, ùn si puderà decide

Cusì, ùn ricusemu di senteci è simu à l’iniziu di un accordu assennatu pè  avanzà inseme versu ciò ch’è no vulimu tutti. 

Visita-Ghionga1.jpg  vista-Ghionga2.jpg

Partager cet article
Repost0

commentaires

Articles Récents