Tutti l'anni l'ADECEC è a radiu VOCE NUSTRALE festighjeghjanu a festa di a scienza. Grazia à sta manifestazione hè l'occasione di prumove a cultura scientifica è tecnica. A tematica per sta nova edizione era "de l'infiniment grand à l'infiniment petit". L'acqua era dunque à l'onnore à l'ADECEC è e scole di quinta di u cullegiu Philippe Pescetti anu participatu à l'evenimentu cù arregistramentui à a radio per sensibilisà a ghjente nant'à l'impurtanza di l'acqua è un attellu è animazione nant'à l'acqua cù Virginie cunsigliera à "Corse Energie Environnement".
Durante trè ghjorni si po scopre una mostra Corsica terra d'acqua in a corte di u museu piazza Ghjuvanni Simonetti in Cervioni in cullaburazione cù u CPIE (centru permanente d'iniziativa per l'ambiente Corti centru Corsica).